პარლამენტის ბიურომ 13-16 ივნისის პლენარული სხდომების დღის წესრიგი განსაზღვრა. პარლამენტის თავმჯდომარის, შალვა პაპუაშვილის განცხადებით, პარლამენტი 16 ივნისს, „მინისტრის საათის” ფორმატში, საგარეო საქმეთა მინისტრს ილია დარჩიაშვილს მოუსმენს.
როგორც შალვა პაპუაშვილმა აღნიშნა, 15 ივნისს, ხუთშაბათს, თავისუფალი ტრიბუნით საპარლამენტო პოლიტიკური ჯგუფები - „გირჩი“ და „ლელო - პარტნიორობა საქართველოსთვის“ ისარგებლებენ.
ბიურომ კენჭისყრით საპარლამენტო პოლიტიკური ჯგუფის „ევროოპტიმისტების“ რეგისტრაციაში გატარებას მხარი დაუჭირა.
პლენარული სხდომების დღის წესრიგით, მიმდინარე სასესიო კვირას, 80-ზე მეტი საკითხის განხილვაა დაგეგმილი.
