ვალერი ზალუჟნი გენერალ მარკ მილის - ჩვენს გეგმებს ვახორციელებთ, წინ მივიწევთ

უკრაინის შეიარაღებული ძალების მთავარსარდალი, ვალერი ზალუჟნი აშშ-ის შეიარაღებული ძალების გაერთიანებული შტაბების კომიტეტის ხელმძღვანელს, გენერალ მარკ მილის ფრონტზე განვითარებული მოვლენების შესახებ ტელეფონით ესაუბრა.

„ჩვენი ქვეყნის აღმოსავლეთით და სამხრეთით მძიმე თავდაცვითი და შეტევითი ბრძოლები მიმდინარეობს. გვაქვს გარკვეული წარმატებები, ვახორციელებთ ჩვენს გეგმებს, წინ მივიწევთ“, - აღნიშნა ზალუჟნიმ.

მისი თქმით, „რამშტაინის“ ფორმატის მორიგი შეხვედრის წინა დღეს უკრაინის არმიის პრიორიტეტები განიხილეს და მან ხაზი გაუსვა, რომ უკრაინისთვის მნიშვნელოვანია საჰაერო თავდაცვისა და საარტილერიო შესაძლებლობების გაძლიერება.

ვალერი ზალუჟნი და მარკ მილი დიალოგის გაგრძელებაზე შეთანხმდნენ.