"რადისონში" "ევროპის უნივერსიტეტის“ პროფესორის ემილ ავდალიანის წიგნის პრეზენტაცია 15 ივნისს გაიმართება

სასტუმრო "რადისონ ბლუ ივერიაში" "ევროპის უნივერსიტეტის“ აფილირებული პროფესორის ემილ ავდალიანის წიგნის - China, Russia and New Eurasian Order პრეზენტაცია გაიმართება.

ორგანიზატორების ინფორმაციით, პრეზენტაცია 15 ივნისს, 17:00 საათზე დაიწყება.

„წიგნის პრეზენტაციას დაესწრებიან სხვადასხვა ქვეყნის დიპლომატიური წარმომადგენლები საქართველოში, მკვლევრები და საერთაშორისო ურთიერთობების სპეციალისტები.

წიგნში სიღრმისეულად განხილულია რუსეთისა და ჩინეთის ევრაზიული ხედვა, აშშ-ს და ჩინეთს შორის არსებული მზარდი კონკურენცია, რუსეთ-ჩინეთის დაახლოება და ცვალებადი გლობალური წესრიგი”, - აღნიშნულია ინფორმაციაში.