დარწმუნებული ვარ, მიხეილ სააკაშვილი იქნება ის ადამიანი, რომელიც ლომის წვლილს შეიტანს ბიძინა ივანიშვილის დამარცხებაში, - ამის შესახებ „ერთიანი ნაციონალური მოძრაობის“ თავმდჯომარემ, ლევან ხაბეიშვილმა განაცხადა.

როგორც მან აღნიშნა, მიხეილ სააკაშვილი ქართულ პოლიტიკაში ერთ-ერთი მთავარი ფაქტორი იქნება.

„მიხეილ სააკაშვილი ქართულ პოლიტიკაში ერთ-ერთი მთავარი ფაქტორი იქნება. ეს ნორმალურია, ბიძინა ივანიშვილი და რუსული პარტია ისტორიას ვერ წაშლის. თუ იქნება უკეთ, ცხადია კიდევ უფრო აქტიურად ჩაერთვება. მთავარია ჯანმრთელობამ მისცეს ამის შესაძლებლობა. რა ფორმით ჩაერთვება, იქნება თუ არა კანდიდატი(პრემიერობის), ამაზე უკვე გადაწყვეტილებას მიიღებს მათ შორის თავად პრეზიდენტი სააკაშვილი.

დარწმუნებული ვარ, რომ მიხეილ სააკაშვილი იქნება ის ადამიანი, რომელიც ლომის წვლილს შეიტანს ბიძინა ივანიშვილის დამარცხებაში”, - განაცხადა ლევან ხაბეიშვილმა.