აშშ-ის ელჩი - დარწმუნებული ვარ, რომ ევროკომისია მიმდინარე სამუშაოზე ძალიან დეტალურ შეფასებას გააკეთებს
დარწმუნებული ვარ, რომ ევროკომისია აქ მიმდინარე სამუშაოზე ძალიან დეტალურ შეფასებას გააკეთებს, რამდენად ინკლუზიური იყო ან არ იყო პროცესი, რამხელა პროგრესი იქნა მიღწეული ამ კონკრეტულ 12 რეკომენდაციაზე. ამის შესახებ საქართველოში აშშ-ის ელჩმა კელი დეგნანმა ჟურნალისტებთან საუბარში განაცხადა.
“რა თქმა უნდა, იმ პოზიციაში არ ვარ, რომ ევროკომისიის შეფასებაზე ვიმსჯელო. დარწმუნებული ვარ, რომ აქ მიმდინარე სამუშაოზე ისინი ძალიან დეტალურ შეფასებას გააკეთებენ, რამდენად ინკლუზიური იყო ან არ იყო პროცესი, რამხელა პროგრესი იქნა მიღწეული ამ კონკრეტულ 12 რეკომენდაციაზე. იმ ფაქტის დამატებით, რომ ვენეციის კომისიამ მოსაზრებები გამოაქვეყნა სასამართლოებზე კანონის შესწორებებთან დაკავშირებით და დეოლიგარქიზაციის კანონზე.
იქ ძალიან ნათელი და კონკრეტული პუნქტები იყო თუ რა არის საჭირო მოლოდინების დასაკმაყოფილებლად, რაც იმის ნიშანია თუ რამდენად ერთგულია ევროკავშირი ამ პროცესში საქართველოს წარმატების. ძალიან კონკრეტული პუნქტებია იმაზე თუ რა ნაბიჯებია საჭირო. თუ პარლამენტი ამ ნაბიჯებს გადადგამს, იგი საქართველოს იმასთან დააახლოებს, სადაც ყველას სურს საქართველოს ნახვა - დეკემბერში კანდიდატის სტატუსზე დადებითი პასუხის მიღება”, - განაცხადა დეგნანმა.
v-if="article.gallery" v-html="article.gallery"
