საბა ბუაძე - კალაძე და მისი გუნდი აპირებს, მწვანე შუქი მისცეს ვაკეში მორიგ კატასტროფულ მშენებლობას

კახა კალაძე და მისი გუნდი აპირებს, მწვანე შუქი მისცეს ვაკეში მორიგ კატასტროფულ მშენებლობას, რომელიც სპორტის უნივერსიტეტის ტერიტორიაზე ხორციელდება. უნდა განთავსდეს 180 - მეტრიანი, 100 ათას კვადრატულ მეტრზე მეტი მოცულობის შენობა, რომელიც იქ არსებულ უბანს საბოლოოდ გაუკეთებს პარალიზებას, შეუძლებელს გახდის ამ უბანში ცხოვრებას, - ამის შესახებ „ლელოში“ საკრებულოს წევრმა საბა ბუაძემ ბრიფინგზე განაცხადა.

როგორც მან აღნიშნა, ეს არის ურბანული გენოციდის გაგრძელება, რომელსაც ხელისუფლება ქალაქის წინააღმდეგ ეწევა.

„დღეს, ჩვენი ქალაქისთვის, კიდევ ერთი მძიმე დღეა. კალაძე და მისი გუნდი აპირებს, მწვანე შუქი მისცეს ვაკეში მორიგ კატასტროფულ მშენებლობას, რომელიც სპორტის უნივერსიტეტის ტერიტორიაზე ხორციელდება. უნდა განთავსდეს 180 - მეტრიანი, 100 ათას კვადრატულ მეტრზე მეტი მოცულობის შენობა, რომელიც იქ არსებულ უბანს საბოლოოდ გაუკეთებს პარალიზებას, შეუძლებელს გახდის ამ უბანში ცხოვრებას.

ეს არის ურბანული გენოციდის გაგრძელება, რომელსაც ხელისუფლება ეწევა ქალაქის წინააღმდეგ, ეს ხდება ხელისუფლებასთან დაახლოებული ბიზნესმენებისთვის.

ამ შემთხვევაში, ეს კონკრეტული პროექტი ეკუთვნის ნოშრევან ნამორაძეს, რომელიც აპირებს, რომ ეს უზარმაზარი და ქალაქისთვის საშიში პროექტი განახორციელოს.

კიდევ ერთხელ მოვუწოდებთ საკრებულოს, ამოიღოს დღის წესრიგიდან ქალაქისთვის დამღუპველი პროექტი, ამას ექნება გამოუსწორებელი ზიანი ჩვენი ქალაქის მოსახლეობისთვის, კონკრეტულად ვაკის მოსახლეობისთვის. ეს პროექტი საბოლოოდ გამოიწვევს ყველაფრის პარალიზებას. ურბანული, სატრანსპორტო და ბევრი მიმართულებით სავალალო პროექტია“, - აღნიშნა ბუაძემ.