იაგო ხვიჩია - გიორგი ვაშაძის „ნაციონალური მოძრაობის“ პრემიერობის კანდიდატობაზე საუბარი იმას ნიშნავს, რომ „ნაციონალურ მოძრაობაში“ „ქართული ოცნების“ მომხრეები გაძლიერდნენ
გიორგი ვაშაძის „ნაციონალური მოძრაობის“ პრემიერობის კანდიდატობაზე საუბარი იმას ნიშნავს, რომ „ნაციონალურ მოძრაობაში“ „ქართული ოცნების" მომხრეები გაძლიერდნენ და პრემიერობის ისეთი კანდიდატის დაყენება უნდათ, ვინც „ქართულ ოცნებას" პრობლემებს ვეღარ შეუქმნის, - აღნიშნული შეფასება ჟურნალისტებთან „გირჩის" დეპუტატმა იაგო ხვიჩიამ გააკეთა.
ხვიჩიას თქმით, დიდი ხანია, ასეთი ძვრები „ნაციონალურ მოძრაობაში" დაწყებულია.
„ამიტომ თუ მათი პრემიერობის კანდიდატი გიორგი ვაშაძე იქნება, ახალი და გასაკვირი ამაში არაფერი იქნება", - აღნიშნა იაგო ხვიჩიამ.
