საქართველოს აეროპორტების გაერთიანება ქუთაისის საერთაშორისო აეროპორტში VIP Lounge-ის მოწყობის მიზნით ინტერესთა გამოხატვას აცხადებს

„საქართველოს აეროპორტების გაერთიანება“ ინტერესთა გამოხატვით იწვევს ყველა იმ პირს, რომელიც დაინტერესებულია დავით აღმაშენებლის სახელობის ქუთაისის საერთაშორისო აეროპორტში VIP Lounge-ის სივრცე მოაწყოს ან/და ოპერირება განახორციელოს.

აღნიშნულის შესახებ ინფორმაციას „საქართველოს აეროპორტების გაერთიანება“ ავრცელებს.

მათივე ცნობით, VIP Lounge გაფრენის დარბაზში (სარეჟიმო ტერიტორია), პირველ და მეორე სართულზე მდებარე, დაახლოებით, 270 კვ. მეტრ ფართში უნდა განთავსდეს.

„დაინტერესებულმა პირებმა წინადადებები ბიზნეს მოდელის თაობაზე, რომლის მიხედვითაც საქართველოს აეროპორტების გაერთიანებას თანამშრომლობას შესთავაზებენ, არაუგვიანეს 2023 წლის 19 აგვისტოს ჩათვლით უნდა წარმოადგინონ მისამართზე: საქართველო, ქ. თბილისი, ისანი-სამგორის რაიონი, აეროპორტი, (აეროპორტის დასახლება); განცხადების წარმოდგენა ასევე დასაშვებია ელექტრონულ ფოსტაზე: business@airports.ge“,- აღნიშნულია გავრცელებულ ინფორმაციაში.

სხვა დეტალები იხილეთ: https://www.airports.ge/index.php/ka/archive/2-news/139-2023-07-20-08-18-22 ან https://research.spa.ge/ka