უკრაინის შეიარაღებული ძალების აღმოსავლეთის დაჯგუფების წარმომადგენლის განცხადებით, ბახმუტის მიმართულებაზე ჯარი კასეტურ საბრძოლო მასალას უკვე აქტიურად იყენებს

უკრაინის შეიარაღებული ძალების აღმოსავლეთის დაჯგუფების წარმომადგენლის, სერგეი ჩერევატის განცხადებით, ბახმუტის მიმართულებაზე ქვეყნის ჯარი კასეტურ საბრძოლო მასალას უკვე აქტიურად იყენებს.

მისივე განცხადებით, უკრაინელი სამხედროები პარტნიორების მიერ მიწოდებულ ყველა შეიარაღებას იყენებენ.

„უკრაინის შეიარაღებული ძალები პარტნიორების მიერ მიწოდებულ ყველა საბრძოლო მასალას იყენებენ, თან ძალიან ეფექტურად“, - განაცხადა ჩერევატიმ.