თეთრი სახლი უპასუხისმგებლოს და უგუნურს უწოდებს დიმიტრი მედვედევის განცხადებას ბირთვულ იარაღთან დაკავშირებით
თეთრი სახლის განცხადებით, რუსეთის ფედერაციის უსაფრთხოების საბჭოს თავმჯდომარის მოადგილის, რუსეთის ექს-პრეზიდენტის, დიმიტრი მედვედევის განცხადებები იმის შესახებ, რომ უკრაინის შეიარაღებული ძალების წარმატებული კონტრშეტევის შემთხვევაში, რუსეთმა, შესაძლოა, ბირთვული იარაღი გამოიყენოს, უგუნური და უპასუხისმგებლოა.
როგორც აშშ-ს ეროვნული უსაფრთხოების საბჭოს წევრზე დაყრდნობით, CNN-ი იუწყება, უკრაინაში და არა მარტო უკრაინაში, ბირთვული იარაღის გამოყენება მთელი მსოფლიოსთვის კატასტროფული იქნებოდა და თვით რუსეთისთვის სერიოზული შედეგებით დამთავრდებოდა.
ასევე CNN-ის ცნობით, აშშ-ს თეთრი სახლი ჯერ ვერ ხედავს იმის ნიშნებს, რომ რუსეთი ბირთვული იარაღის გამოყენებისთვის ემზადება.
"ჩვენ ყურადღებით ვადევნებთ თვალს მიმდინარე პროცესებს, მაგრამ ჯერჯერობით ჩვენი ბირთვული პოზიციის კორექტივებისთვის მიზეზებს ვერ ვხედავთ", - ნათქვამია განცხადებაში.
v-if="article.gallery" v-html="article.gallery"
