აზერბაიჯანის საგარეო უწყება - ვუსამძიმრებთ ოჯახებს, რომლებმაც მეწყრის შედეგად ახლობლები დაკარგეს - საქართველოს მთავრობისა და ხალხის გვერდით ვდგავართ

გულწრფელად ვუსამძიმრებთ ოჯახებს, რომლებმაც შოვში, რაჭაში მასიური მეწყრის შედეგად ახლობლები დაკარგეს, - ამის შესახებ აზერბაიჯანის საგარეო საქმეთა სამინისტროს განცხადებაშია აღნიშნული.

უწყება საქართველოს მთავრობისა და ქართველ ხალხს თანადგომას უცხადებს.

„ვიმედოვნებთ, რომ ათობით ადამიანს, რომლებიც უგზო-უკვლოდ დაკარგულები არიან, ჯანმრთელებს იპოვნიან. ჩვენ ვდგავართ საქართველოს მთავრობისა და ხალხის გვერდით“, - აღნიშნულია უწყების განცხადებაში.