კონფერენცია, რომელიც უკვე წლებია იმართება საქართველოში, იმ კამპანიის ნაწილი და ინსტრუმენტი გახდა, რომელიც საქართველოს და ქართული საზოგადოების მიერ დემოკრატიული არჩევნების წესით არჩეული ხელისუფლების პიარულ გარუსებას ისახავს მიზნად , - ამის შესახებ უმრავლესობის სხდომის შემდეგ ფრაქცია „ქართული ოცნების“ თავმჯდომარე, მამუკა მდინარაძემ თბილისში მიმდინარე საერთაშორისო კონფერენციასთან დაკავშირებით განაცხადა.

მამუკა მდინარაძის განცხადებით, არ არსებობს იმაზე დიდი მავნებლობა, როდესაც ცდილობ, რომ ქართველ ხალხს და საერთაშორისო საზოგადოებას უთხრა, რომ დემოკრატიული წესით არჩეული ხელისუფლება პრორუსია.

„დღეს ნახეთ ხომ განცხადებები სხვადასხვა წარმომადგენლის, როგორც ქართველების ისე უცხოელების, ვინც ამ კონფერენციაში იღებდა მონაწილეობას ? ეს არის რადიკალური პლატფორმა, რომელიც იმ საერთო ნარატივში ზის, რომელსაც პიარული უმძიმესი ზიანის მოტანა აქვს მიზნად ამ ქვეყნისთვის და მისი ხელისუფლებისათვის. როდესაც შენ ცდილობ, რომ ქართველ ხალხს უთხრა და საერთაშორისო საზოგადოება დაარწმუნო ის, ვისაც ირჩევს ქართული საზოგადოება, თითქოს პრორუსია, ამაზე დიდი მავნებლობა საკუთარი ქვეყნის მიმართ არ შეიძლება კიდევ რამე იყოს“, - განაცხადა მამუკა მდინარაძემ.