საქართველოს პარლამენტის ეროვნული ბიბლიოთეკის დირექტორს, გიორგი კეკელიძეს ხულოში გამართულ საერთაშორისო ლიტერატურულ ფესტივალზე „ზე-კარი“ ჯილდო - საპატიო ყაბალახი - გადასცეს. ამის შესახებ ინფორმაციას საქართველოს პარლამენტის ეროვნული ბიბლიოთეკა ავრცელებს.

მათივე ცნობით, სიმბოლური პრიზი ეროვნული ბიბლიოთეკის დირექტორს სოფლის ბიბლიოთეკების მხარდაჭერისა და მათ განვითარებაში წლების განმავლობაში შეტანილი წვლილისთვის გადაეცა.

„ხულოში, „Ze-kartan • საერთაშორისო ლიტერატურული ფესტივალი ზე-კართან“ მთავარი ჯილდო - #საპატიოყაბალახი მომახვიეს. მადლობა სიმბოლური პრიზის გადმოცემისთვის ზვიად კვარაცხელიას. მადლობა აჭარლებს დიდი და დაუმსახურებელი სიყვარულისთვის“, - აღნიშნა გიორგი კეკელიძემ.