თეა წულუკიანი - მინდა პარლამენტის გარეთ მდგარ სულ ერთი მუჭა ხელოვანებს, რომელთაც დღეს სახელოვნებო რევოლუციის მოხდენა უნდოდათ, მივუსამძიმრო კრახი - ბრძოლის მეთოდები უნდა შეცვალოთ

მინდა პარლამენტის გარეთ მდგარ სულ ერთი მუჭა ხელოვანებს, რომელთაც დღეს სახელოვნებო რევოლუციის მოხდენა უნდოდათ, მივუსამძიმრო კრახი და ვუთხრა: თქვენ პარლამენტში წარმომადგენლები არ გყავთ! თქვენ ბრძოლის მცდარი იარაღი გაქვთ შერჩეული და ფუჭ ბრძოლაში ხართ ჩართული! მე თქვენი მოკავშირე ვარ, მაგრამ გაჯერებენ, რომ ვარ არა მოკავშირე, არამედ მოწინააღმდეგე, - ეს განცხადება პარლამენტის ტრიბუნიდან კულტურის სფეროს წარმომადგენლების მისამართით კულტურისა და სპორტის მინისტრმა თეა წულუკიანმა გააკეთა.

მინისტრმა მათ პარტნიორების რეჟიმში გადასვლა შესთავაზა და მიმართა, რომ “მათი ბრძოლის იარაღი არმაზ ახვლედიანი ვერ იქნება“.

“მინდა იმ 60-ოდე ადამიანს, ჩვენი ქვეყნის მოქალაქეს, ხელოვანებს მივმართო - მე მათ არ ვიცნობ, მაგრამ როგორც ამბობენ, ხელოვანები არიან, პარლამენტის გარეთ დგანან და ჩემი მინისტრობის პირობებში განხორციელებულ ნაბიჯებს აპროტესტებენ - ბრძოლის მეთოდები უნდა შეცვალოთ! კიდევ ერთხელ გთავაზობთ, გადმოდით პარტნიორობის რეჟიმში, ვინაიდან ჩვენ ვართ მათ შორის თქვენთვის, რომ ხელი შეგიწყოთ და თქვენი შემოქმედებითი პროცესის განხორციელება შევძლოთ.

თქვენ, ვინც პარლამენტის შენობის წინ დგახართ და იმ რეფორმებს აპროტესტებთ, რასაც მე კულტურის სფეროში ვატარებ, დღეს დაინახეთ, რომ სულ ტყუილად იმუშავეთ. ძალიან ბევრი იმუშავეთ იმისთვის, რომ მათ შორის მწვავე კითხვები შეგედგინათ და ეს კითხვები ჩემთვის დაგესვათ, მაგრამ კითხვები ცარიელ სკამებს გამოატანეთ! თქვენ ამ ხალხმა გიღალატა! მათ შემოსვლა შეეძლოთ, ნაცვლად ამისა, ქალბატონმა სალომე სამადაშვილმა ტანზე უზრდელობით სავსე პლაკატი შემოიხვია, შეეძლო დაბრძანებულიყო, როგორც ლამაზმა თინიკომ თქვა, პარლამენტი არის სასაუბრო და გვესაუბრა, მათ შორის მწვავე დისკუსია გვქონოდა...

დესტრუქციული ოპოზიცია მისი ამომრჩევლის ინტერესს ვერ წარმოადგენს. მათ ისიც კი არ შეუძლიათ, რომ მოვიდნენ, დასხდნენ და დებატი გამართონ“, - განაცხადა თეა წულუკიანმა პარლამენტის პლენარულ სხდომაზე, სადაც ის "მინისტრის საათის" ფორმატში იყო მიწვეული.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024