შალვა პაპუაშვილი - პრემიერმა ქვეყნის მეთაურებისგან კანდიდატის სტატუსის მინიჭებასთან დაკავშირებით მხარდაჭერა მიიღო - ასეთი განცხადებები გვჭირდება და არა ის, რომელიც გვქონდა მაშინ, როდესაც პრეზიდენტი თანხმობის გარეშე იმყოფებოდა ვიზიტში

მნიშვნელოვანია, რომ პრემიერმა ქვეყნის მეთაურებისგან მიიღო პოზიციები საქართველოს კანდიდატის სტატუსის მხარდაჭერასთან დაკავშირებით, - ამის შესახებ საქართველოს პარლამენტის თავმჯდომარემ, შალვა პაპუაშვილმა პრემიერის ვიზიტებზე საუბრისას განაცხადა.

როგორც პაპუაშვილმა აღნიშნა, მსგავსი მხარდაჭერა გვჭირდება შეხვედრების შემდეგ და არა ის, რაც პრეზიდენტის ვიზიტების შემდეგ იყო.

მისივე თქმით, ერთადერთი შედეგი, რაც პრეზიდენტის ვიზიტმა მოგვიტანა, იყო ის, რომ ლატვიის პრეზიდენტმა რუსეთისთვის სანქციების დაწესება, როგორც წინაპირობა, დააყენა ევროპაში უფრო მჭიდრო ინტეგრაციისთვის.

„მნიშვნელოვანია, რომ პრემიერმა ამ მნიშვნელოვან ფორუმზე, სადაც 20-ზე მეტი ქვეყნის ლიდერია წარმოდგენილი, აღმასრულებელი ხელისუფლების ხელმძღვანელებისგან, ქვეყნის მეთაურებისგან მიიღო პოზიციები საქართველოს კანდიდატის სტატუსის მხარდაჭერასთან დაკავშირებით.

სწორედ ეს არის ის, რასაც ვგულისხმობთ ჩვენ საქართველოს ევროპული ინტეგრაციის მხარდაჭერაში. ასეთი განცხადებები გვჭირდება ჩვენ შეხვედრების შემდეგ არა და ის, რომელიც გვქონდა მაშინ, როდესაც პრეზიდენტი თანხმობის გარეშე იმყოფებოდა ვიზიტში.

ვნახეთ ერთადერთი შედეგი, რაც [პრეზიდენტის ვიზიტმა] მოგვიტანა - ლატვიის პრეზიდენტმა განაცხადა, რომ რუსეთს სანქციები უნდა დავუწესოთ, რუსეთის სანქციების დაწესება, როგორც წინაპირობა დააყენა ევროპაში უფრო მჭიდრო ინტეგრაციისთვის. ეს არის სხვაობა მთავრობისა და პრეზიდენტს მიდგომას შორის“,- აღნიშნა პაპუაშვილმა.

ცნობისთვის, პრემიერ-მინისტრმა ირაკლი ღარიბაშვილმა მონაწილეობა მიიღო ევროპის პოლიტიკური გაერთიანების (EPC) ფარგლებში გამართულ თემატურ დისკუსიაში, სახელწოდებით „მულტილატერალიზმი უსაფრთხოებისა და გეოსტრატეგიული საკითხების ჩათვლით“. პრემიერმა სხვადასხვა ქვეყნის ლიდერებთან ორმხრივი შეხვედრებიც გამართა. მისი თქმით, ყველა ევროპელი ლიდერისგან მიიღო დასტური იმის თაობაზე, რომ ისინი მხარს დაუჭერენ საქართველოსთვის კანდიდატის სტატუსის მინიჭებას.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი