მიხეილ დაუშვილის განცხადებით, პარტია „საქართველოსთვის“ იმპიჩმენტის განხილვის პროცესზე დარბაზში ყოფნა-არ ყოფნის თაობაზე პრეზიდენტის მოწოდებას გაითვალისწინებს

პარტია “საქართველოსთვის” დეპუტატის მიხეილ დაუშვილის განცხადებით, იმპიჩმენტის განხილვის პროცესზე დარბაზში ყოფნა-არ ყოფნის თაობაზე პრეზიდენტის მოწოდებას გაითვალისწინებენ.

ამასთან, როგორც დაუშვილმა ჟურნალისტებს განუცხადა, მიაჩნდათ და მიაჩნიათ, რომ იმპიჩმენტის კენჭისყრისას წითელ ღილაკზე ხელის დაჭერით პოზიციის გამოხატვა სწორია.

“მიგვაჩნდა და მიგვაჩნია, რომ სწორი ნაბიჯი იქნებოდა დარბაზში შესვლა და წითელ ღილაკზე თითის დაჭერით პოზიციის გამოხატვა. რაც შეეხება გუშინდელ თხოვნას თუ მოწოდებას, ამას გავითვალისწინებთ. არ ვიცი, პრეზიდენტს რა გეგმა და ამოცანა აქვს, მაგრამ ამის მიუხედავად ამ თხოვნას და მოწოდებას გავითვალისწინებთ. თუმცა ჩვენ დარბაზში შევიდოდით თუ არა, მოქალაქეებს კითხვა არ გაუჩნდებოდათ, რა იყო ჩვენი გადაწყვეტილება. დარწმუნებულები იქნებოდნენ, რომ ჩვენ მხარი არ დავუჭირეთ იმპიჩმენტის პროცესს. დარბაზში ყოფნა-არ ყოფნის საკითხზე პრეზიდენტის მოწოდებას გავითვალისწინებთ”,- განაცხადა მიხეილ დაუშვილმა.

რაც შეეხება პრეზიდენტის განცხადებას, რომ არ გადადგება, მიხეილ დაუშვილი ამბობს, რომ პრეზიდენტი არც უნდა გადადგეს.

“რა თქმა უნდა, არ უნდა გადამდგარიყო და არც უნდა გადაადგეს. უნდა გააგრძელოს ბრძოლა, რომ ქვეყანას დაეხმაროს ევროინტეგრაციის პროცესში”,- განაცხადა მიხეილ დაუშვილმა.

მან ასევე შეაფასა პრეზიდენტის ის განცხადება, სადაც სალომე ზურაბიშვილმა განაცხადა, რომ საკონსტიტუციო სასამართლოს მოსამართლეებს უნდა რცხვენოდეთ.

“მნიშვნელოვანი არის ის, რომ რასაც საქართველოს პრეზიდენტი აკეთებდა, ემსახურებოდა ქვეყნის ევროინტეგრაციას. “ოცნებამ” რა პროცესიც წამოიწყო, ეს იყო ევროინტეგრაციის იმპიჩმენტის მცდელობა და რაც სასამართლომ გააკეთა, "ოცნების" ინტერესებით მოქმედებაა.

თუ ეს მოსამართლეები თავს დაბულინგებულად გრძნობენ, მათი პრობლემაა. დღეს სასამართლო გადაქცეულია “ოცნების” ინტერესებში მოქმედ ორგანიზაციად და არა ჩვენი ქვეყნის მოქალაქეების ინტერესებში მოქმედ სახელმწიფო ინსტიტუტად”,- განაცხადა მიხეილ დაუშვილმა.

შეგახსენებთ, რომ გუშინ საქართველოს პრეზიდენტმა სალომე ზურაბიშვილმა საკონსტიტუციო სასამართლოს გადაწყვეტილების შესახებ განცხადება გააკეთა და აღნიშნა, რომ გული ეტკინა, თუმცა ამ ქვეყანაში აღარაფერი უკვირს. მისი თქმით, ისეთი დასკვნა დადო საკონსტიტუციო სასამართლომ, “ყოველივე მოსამართლეს, რომელმაც ხელი მოაწერა, უნდა რცხვენოდეს”.

გარდა ამისა, პრეზიდენტის განცხადებით, გადადგომას არ აპირებს. მისი თქმით, იმპიჩმენტის განხილვისას პარლამენტში მივა. ამასთან, სალომე ზურაბიშვილმა მიმართა ოპოზიციას, საქართველოს პარლამენტში იმპიჩმენტის საკითხის განხილვისას გარეთ დადგნენ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია