რომან გოცირიძე -  მოვუწოდებ პრეზიდენტს, ხვალ აიღეთ ბილეთი და წადით - იარეთ, იარეთ, როგორც დადიოდით „ქართული ოცნების“ და მტრის ჯინაზე

ქალბატონ სალომეს მოვუწოდებ, ხვალ აიღეთ ბილეთი და წადით, იარეთ, იარეთ, როგორც დადიოდით ამათ და მტრის ჯინაზე, - ასე მიმართა ოპოზიციონერმა დეპუტატმა, რომან გოცირიძემ პრეზიდენტ, სალომე ზურაბიშვილს პარლამენტის პლენარულ სხდომაზე სიტყვით გამოსვლისას.

მისივე განმარტებით, სალომე ზურაბიშვილი „ქართულ ოცნებასთან“ მიმართებით სწორია.

„დღეს სალომე ზურაბიშვილი თქვენთან მიმართებით სწორია, ის ევროპის გზაზე დგას, საქართველოს ინტერესებს იცავს, უკრაინის გვერდით არის, ანტირუსულ პოზიციებზეა და მისი გადაყენების მთავარი ამოცანა იყო, რომ გაგეჩერებინათ და მისი პარალიზება მოგეხდინათ. ამიტომ, ქალბატონ სალომეს მოვუწოდებ, ხვალ აიღეთ ბილეთი და წადით, იარეთ, იარეთ, როგორც დადიოდით ამათ და მტრის ჯინაზე“, - განაცხადა რომან გოცირიძემ.

ამასთან, რომან გოცირიძის განცხადებით, „ქართულმა ოცნებამ“ დღეს სრული პოლიტიკური, ზნეობრივი და სამართლებრივი ფიასკო განიცადა“.

„სამართლებრივი იმიტომ, რომ ამ პარლამენტში პრეზიდენტის იმპიჩმენტი ვერ შედგება, კენჭისყრის დროს 100 ხმას ვერ მიიღებთ. იმის მიუხედავად, რომ თქვენი მთავარი მიზანი პრეზიდენტის გადაყენება იყო და შემდეგ იმ დესტრუქციული პროცესების წამოწყება, რაც ამ გადაწყვეტილებას მოყვებოდა. ერთადერთი, სადაც თქვენ გაიმარჯვეთ, ეს არის მორჩილი საკონსტიტუციო სასამართლო, დაკომპლექტებული შევარდნაძის დროინდელი კორუმპირებული პირებით და „ქართული ოცნების“ პოლიტიკოსებით“, - აღნიშნა გოცირიძემ.

გარდა ამისა, მისივე განმარტებით, „ქართულმა ოცნებამ“ პოლიტიკური მართლმსაჯულების ეტაპზე რაღაცას მიაღწია, თუმცა პრეზიდენტის იმპიჩმენტის საკითხი პარლამენტში წყდება, სადაც ხმებისთვის დეპუტატები ვერ მოისყიდეს.

„პოლიტიკური მართლმსაჯულების ეტაპზე რაღაცას მიაღწიეთ, მაგრამ მთავარი გადაწყვეტილება ამ დარბაზში მიიღება. დიდი ჭორი და ხმაური იყო მედიაშიც, რომ დეპუტატები მოსყიდულები არიან. მართლაც, 6 მილიარდი აქვს იმ კაცს და 10 კაცი როგორ ვერ მოისყიდეთ? როგორ ვერ დააშანტაჟეთ?“, - აღნიშნა გოცირიძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი