დავით ჭიჭინაძე პრეზიდენტის იმპიჩმენტის პროცესზე - ერთი ხელით მართულ მორიგ სპექტაკლს ვუყურებთ

სწორედ, სალომე ზურაბიშვილის წარდგენის გამო დავტოვე უმრავლესობა - არ შეიძლებოდა ამ ადამიანის პრეზიდენტად არჩევა, - ამის შესახებ „ტრიბუნას“ ლიდერმა, დავით ჭიჭინაძემ განაცხადა.

მისივე თქმით, სალომე ზურაბიშვილი ვერასოდეს გახდება სახალხო პოლიტიკოსი და ახლაც ერთი ხელით მართულ მორიგ სპექტაკლს ვუყურებთ.

„სწორედ, სალომე ზურაბიშვილის წარდგენის გამო დავტოვე მე უმრავლესობა. არ შეიძლებოდა ამ ადამიანის პრეზიდენტად არჩევა. რადგან, ეს არ იყო რიგითი დეპარტამენტის უფროსის დანიშვნა, ქვეყნის უმაღლეს მთავარსარდალზე იყო საუბარი, მას კი, ადამიანების მხარდაჭერა არ ჰქონდა.

„ქართული ოცნება“ კი ძალადობდა, ანუ, ის ადამიანები, ვინც დღეს გამოდიან და ზურაბიშვილს ლანძღავენ, მაშინ ქართულ საზოგადოებას არა მარტო დაუპირისპირდნენ და დალანძღეს, პირდაპირ ბრძოლაში ჩაერთნენ ხალხის წინააღმდეგ. ამიტომ ვამბობ, რომ არაფრით არ შეიძლება ასეთი მორალის ადამიანები წარმოადგენდნენ დღეს ქართულ პოლიტიკურ ელიტას. თუმცა, ძველები, აი, „ოცნებას“, რომ განუდგნენ, მაგრამ არ დაპირისპირებიან ისინი, ისევ ზურაბიშვილის გვერდზე არიან და ეს ჩანს.

გამოდის, ერთი ხელია ისევ ამ ყველაფრის დირიჟორი. აი, ის ხელი, ყველა ძაფებით, რომ ჰყავს მიბმული... ახლაც მორიგი ახალი ლიდერის ჩამოყალიბების მცდელობაა. ანუ, მართალია ზურაბიშვილი არ არის სახალხო პოლიტიკოსი, სამაგიეროდ „ულაგებს“ ივანიშვილს, მაგალითად საფრანგეთში. ანუ გადასარევად ასრულებს იმას, რისთვისაც დაინიშნა. ამიტომ არ მგონია, რომ ბიძინა ივანიშვილი მასზე განაწყენებული იყოს. პირიქით, ის ამბავი, ზურაბიშვილს და კობახიძეს ერთმანეთი რომ არ მოსწონთ, ამას ახალისებს კიდეც. ის მსგავსს ყოველთვის ახალისებდა „ოცნებაში“, ერთიანი გუნდი არასოდეს სჭირდებოდა და იმიტომ, ლიდერიც პრობლემად მიაჩნდა ყოველთვის. პრინციპში, როგორც მოექცა გახარიას კი ჩანს... მოკლედ, სალომე ზურაბიშვილიც ვერასოდეს გახდება სახალხო პოლიტიკოსი და ახლაც ერთი ხელით მართულ მორიგ სპექტაკლს ვუყურებთ.

ხალხის რეალური პრობლემები კი ისევ არავის აინტერესებს... აბა, რა 78-ე მუხლი, რის 52-ე, ვის აინტერესებს საერთოდ?! კონსტიტუციის დარღვევაზე, რომ გვესაუბრებიან, ეს ვითომ „დემოკრატიის მამები“, მე მინდა მეათასეჯერ ვკითხო, მაშინ, როდესაც: ეროვნულ ბანკზე ზემოქმედებენ, როდესაც ეროვნული ბანკი ინფლაციას არ იცავს, არადა კონსტიტუციით ის რომ არის ინფლაციაზე პასუხისმგებელი, სასამართლოზე რომ ზემოქმედებენ... ეს არ არის კონსტიტუციის შელახვა?! , - განაცხადა დავით ჭიჭინაძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო