ლევან ბეჟაშვილი - დღეს „ქართულმა ოცნებამ“ წაუგებელი თამაში ითამაშა, ყველა შედეგი ბიძინა ივანიშვილის პირად ინტერესებში შედიოდა

დღეს „ქართულმა ოცნებამ“ წაუგებელი თამაში ითამაშა, ყველა შედეგი ბიძინა ივანიშვილის პირად ინტერესებში შედიოდა, - ამის შესახებ „ერთიანი ნაციონალური მოძრაობის“ პოლიტსაბჭოს თავმჯდომარემ, ლევან ბეჟაშვილმა განაცხადა.

ბეჟაშვილის შეფასებით, „ქართული ოცნება“ და ირაკლი კობახიძე ცდილობენ ბოლომდე გააგრძელონ საქართველოს კანდიდატის სტატუსის პროცესისთვის ხელის შეშლა.

ამასთან, ბეჟაშვილმა პრეზიდენტის, სალომე ზურაბიშვილის პარლამენტში დღევანდელი გამოსვლაც შეაფასა და აღნიშნა, რომ პრეზიდენტის დღევანდელი გამოსვლის არცერთი პასაჟი, არცერთი წამი არ დაეთმო ბიძინა ივანიშვილს, მისი ოლიგარქიულ მმართველობას.

„განცხადებები, რომელიც „ქართულმა ოცნებამ“ და ირაკლი კობახიძემ გააკეთეს ადასტურებს, რომ ბოლომდე აგრძელებენ საქართველოს მიერ კანდიდატის სტატუსის მიღების პროცესის ხელის შეშლას და ამ პროცესში საქართველოს პრეზიდენტის მონაწილეობის ფარგლები შემოსაზღვრონ. რეალურად, მათ მიაღწიეს იმ შედეგს, რომ საკონსტიტუციო სასამართლოს დააწერინეს შესაბამისი დასკვნა, დაადგენინეს, რომ პრეზიდენტის მოქმედებებში არის კონსტიტუციის დარღვევის ფაქტი და ბუნებრივია, შემდგომ ამით ისინი შეზღუდავენ პრეზიდენტს საგარეო ურთიერთობების კუთხით.

მეორე მხრივ, „ქართული ოცნება“ ცდილობს პრეზიდენტის როლი გამოკვეთოს, როგორც ერთადერთი სახელმწიფო ინსტიტუცია, რომელიც ევროინტეგრაციისათვის იბრძვის და პოლიტიკური კაპიტალი ამ მხრივაც დააგროვებინოს სალომე ზურაბიშვილს, რომელიც არ გამოირჩევა ბიძინა ივანიშვილის წინააღმდეგ განცხადებებით და დღევანდელი მისი გამოსვლის არცერთი პასაჟი, არცერთი წამი არ დაეთმო სწორედ ბიძინა ივანიშვილს, მისი ოლიგარქიულ მმართველობას, რომ ეს არის მთავარი პრობლემა საქართველოს ევროპული ინტეგრაციის და საქართველოს კანდიდატის სტატუსის მიღების პროცესის, ამიტომ დღეს „ქართულმა ოცნებამ“ წაუგებელი თამაში ითამაშა თავის მხრივ, ყველა შედეგი ბიძინა ივანიშვილის პირად ინტერესებში შედიოდა“, - განაცხადა ბეჟაშვილმა.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო