დღეს, რაც დავინახეთ, ირაკლი კობახიძე და მთელი "ქართული ოცნება“ არის ლუზერების გუნდი, იხვის ჭუკების გუნდი. „კოჭლ იხვს“ უწოდებდა კობახიძე ქალბატონ პრეზიდენტს, ღირსებისგან სრულად დაცლილი გამოსვლა ჰქონდა დღეს. რა აღზრდა-განათლებაში, რომელ ქართველობაში ზის, ჩვენ რომელ წეს-ჩვეულებებში ზის ის, რასაც დღეს ირაკლი კობახიძე აკეთებდა?! -ამის შესახებ პარტია „საქართველოსთვის“ წევრმა ბერდია სიჭინავამ განაცხადა, როდესაც ისაუბრა პარლამენტში გამართულ სხდომაზე პრეზიდენტ სალომე ზურაბიშვილის იმპიჩმენტის საკითხთან დაკავშირებით.

როგორც ბერდია სიჭინავამ „პალიტრანიუსის“ გადაცემაში „360 გრადუსი“ განაცხადა, რეალურად ეს არ იყო მხოლოდ პრეზიდენტის ინსტიტუტის იმპიჩმენტი, არამედ ეს იყო ქვეყნის ევროპული მომავლის იმპიჩმენტი, რითაც რეპუტაციული ზიანი მიიღო, მაშინ, როდესაც დაახლოებით, 10 დღეში საქართველო ევროკავშირის შეფასებას ელოდება კანდიდატის სტატუსთან დაკავშირებით.

„რაც შეეხება ქრონოლოგიას, რომ დავაკვირდეთ, კობახიძის სახეს შეხედეთ, ეს იყო ნათელი დასტური იმისა, რა ხდებოდა „ოცნებაში“ რამდენად სურდათ ამ ადამიანებს საქართველოს პრეზიდენტის იმპიჩმენტი. ამ ადამიანმა, თავის გამოსვლაში დაახლოებით, 15 წუთი ჯერ ხომ ისაუბრა იმასთან დაკავშირებით, თუ როგორი მაგარია და როგორ ასაბუთებდა საკონსტიტუციო სასამართლოში თავის პოზიციას, რომ პრეზიდენტმა კონსტიტუცია დაარღვია და სამ მოსამართლეს, რომლებმაც განსხვავებული აზრი დაწერეს, მთელი პოლიტიკური პასაჟები მიუძღვნა. ძალიან ცუდი სიტყვაა, მაგრამ ერთგვარ „აჩოტს“ აბარებდა ივანიშვილს, თუ როგორი მაგარი დიუსელდორფელი პროფესორია და რომ არა ეს სამი მოსამართლე, ერთხმად მიიღებდა საკონსტიტუციო სასამართლო გადაწყვეტილებას. დარწმუნებული ვარ, ვინც ირაკლი კობახიძეს იცნობს, ძალიან კარგად იცის, რომ მას ნამდვილად სურდა საკონსტიტუციო სასამართლოს ეს გადაწყვეტილება ერთხმად მიეღო და დღეს, პრეზიდენტის იმპიჩმენტი გასულიყო ბოლოში. დღეს, რაც დავინახეთ, ირაკლი კობახიძე და მთელი ქართული ოცნება“, ეს არის ლუზერების მთელი გუნდი, იხვის ჭუკების გუნდი. როგორც „კოჭლ იხვს“ უწოდებდა კობახიძე ქალბატონ პრეზიდენტს ღირსებისგან სრულად დაცლილი გამოსვლა ჰქონდა დღეს. რა აღზრდა-განათლებაში ზის, რომელ ქართველობაში ზის, ჩვენ რომელ წეს-ჩვეულებებში ზის ის, რასაც დღეს ირაკლი კობახიძე აკეთებდა?! ეს იყო, უზრდელი ლუზერების გამოსვლა, რომელიც პირდაპირ წინააღმდეგობაში მოდის ქვეყნის ეროვნულ ინტერესებთან და დღეს, როგორც რუსული კანონის, მარტის აქციების და როგორც სხვა შემთხვევებში „ოცნების“ ხელისუფლება დამარცხდა, ასე დამარცხდა იმპიჩმენტის დროსაც და ჩვენ ამის პოლიტიკური კონვერტაცია აუცილებლად უნდა მოვახდინოთ“, - განაცხადა ბერდია სიჭინავამ და აღნიშნა, რომ „ბიძინა ივანიშვილი არ არის რაღაც უძლეველი ქართულ პოლიტიკაში“.