ხატია დეკანოიძე - მე არ მგონია, რომ პრეზიდენტი დაექვემდებაროს მუქარას და შანტაჟს - არც ის მგონია, რომ ეს არის ბიძინა ივანიშვილის ასმაგი თამაში

„ევროოპტიმისტების“ წევრი, დეპუტატი ხატია დეკანოიძე მიიჩნევს, რომ პრეზიდენტი სალომე ზურაბიშვილი არ

დაექვემდებარება „მუქარას და შანტაჟს“.

როგორც დეკანოიძემ „პალიტრანიუსის“ გადაცემაში „360 გრადუსი“ აღნიშნა, იმედოვნებს, რომ პროკურატურის შესახებ ირაკლი კობახიძის განცხადებების შემდეგ, პრეზიდენტი სალომე ზურაბიშვილი თავის გადაწყვეტილებებს არ შეზღუდავს.

„იმედია, არ შეზღუდავს. როდესაც პროკურატურის შესახებ ბატონი კობახიძის განცხადება გაჟღერდა, დამირეკეს კონსტიტუციაში ღრმად ჩახედულმა ადამიანებმა, ჩემთვის ძალიან პატივსაცემმა იურისტებმა და მითხრეს, რომ არ არსებობს, რაც არ უნდა მოინდომოს „ქართულმა ოცნებამ“, პრეზიდენტი არის ხელშეუხებელი. მეც დავეჭვდი, რომ „ქართულ ოცნებაში“ ალბათ რაღაც ვერ გაიგეს კარგად, კი იქებენ თავს, რომ კონსტიტუცია კარგად იციან, მაგრამ ამ დროს, ერთ საათში გაკეთდა განცხადება, რომ როცა აღარ იქნება პრეზიდენტი მერე აღვძრავთ საქმესო. ეს არის მუქარა, შანტაჟი. სიმართლე გითხრათ, მე არ მგონია, რომ პრეზიდენტი დაექვემდებაროს ამ მუქარას და შანტაჟს. ყოველ შემთხვევაში, ვნახავთ, გამოჩნდება. მე არც ის მგონია, რომ ეს არის ბიძინა ივანიშვილის ასმაგი თამაში. მე ვფიქრობ, რომ ბიძინა ივანიშვილი ძალიან ფრთხილად მოქმედებს, ის რაღაც პროდასავლურ ანტურაჟზე არ ფიქრობს, უბრალოდ არ სჭირდება პროდასავლური ანტურაჟი, ასეთი ყაიდის მმართველობა აქვს. ამიტომ, გამოჩნდება, ვნახოთ.

პრეზიდენტს პოზიციები აშკარად გაუძლიერდა. „ქართული ოცნება“ რასაც ფიქრობდა ეს არ იყო იმპიჩმენტი, მათ არ უნდოდათ გადაყენება, იცოდნენ, რომ 100 ხმა თეორიულადაც კი არ ჰქონდათ. მიუხედავად ოპოზიციის მხრიდან რაღაც ურთიერთბრალდებებისა მე არასდროს ვიზიარებდი მოსაზრებას, რომ „ნაციონალური მოძრაობა“ შეიძლება მართლა შესულიყო და ხმა მიეცა. ეს ნამდვილად მძიმე იქნებოდა. ყოველ შემთხვევაში, მათ სჭირდებოდათ პრეზიდენტი, რომელსაც ანტიკონსტიტუციურის იარლიყი ექნებოდა. ეს სჭირდებოდათ პროპაგანდისთვის“, - განაცხადა დეკანოიძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო