თინა ბოკუჩავა - შევადგინეთ რეზოლუცია, რათა პარლამენტს ჯეროვანი რეაგირება ჰქონდეს რუსეთის მხრიდან ჩადენილ დანაშაულზე - ასევე, მოვუწოდებთ მთავრობას, აამოქმედოს ოთხოზორია-ტატუნაშვილის სია

ჩვენ შევადგინეთ რეზოლუცია, რომელსაც მთელი ოპოზიციური სპექტრი უჭერს მხარს, სწორედ იმისთვის, რომ საქართველოს უმაღლეს საკანონმდებლო ორგანოს ჯეროვანი რეაგირება ჰქონდეს რუსეთის საოკუპაციო ძალების მხრიდან ამ ჩადენილ დანაშაულზე, - ამის შესახებ საპარლამენტო ფრაქცია „ერთიანი ნაციონალური მოძრაობის“ თავმჯდომარე თინა ბოკუჩავამ განაცხადა.

მან მთავრობას მოუწოდა, რომ „ოკუპაციის საერთო ეროვნული ხედვა მიიღოს იმისთვის, რომ საქართველომ დეოკუპაციის და მშვიდობის პოლიტიკა გაატაროს“.

„6 ნოემბერს, რუსეთის საოკუპაციო ძალებმა, სოფელ კირბალში საქართველოს მოქალაქე, თამაზ გინტური მოკლეს და ლევან დოთიაშვილი გაიტაცეს, რაზეც აუცილებელია საქართველოს პარლამენტის, როგორც ქვეყნის მთავარი საკანონმდებლო ორგანოს რეაგირების დაფიქსირება. ჩვენ შევადგინეთ რეზოლუცია, რომელსაც მთელი ოპოზიციური სპექტრი უჭერს მხარს, სწორედ იმისთვის, რომ საქართველოს უმაღლეს საკანონმდებლო ორგანოს ჯეროვანი რეაგირება ჰქონდეს რუსეთის საოკუპაციო ძალების მხრიდან ამ ჩადენილ დანაშაულზე. ჩვენ მოვუწოდებთ მთავრობას, დაუყოვნებლივ შეიყვანოს ოთხოზორია-ტატუნაშვილის სიაში ამ დამნაშავეების სახელები და აამოქმედოს ოთხოზორია-ტატუნაშვილის სია, რომელიც ამ პარლამენტმა 2018 წელს მიიღო, მაგრამ სამწუხაროდ, დღევანდელი ხელისუფლება არ იყენებს არც საერთაშორისო ასპარეზზე იმისთვის, რომ დამნაშავეები დაისაჯონ. ჩვენ ასევე, მოვუწოდებთ მთავრობას, რომ ოკუპაციის საერთო ეროვნული ხედვა მიიღოს იმისთვის, რომ საქართველომ დეოკუპაციის და მშვიდობის პოლიტიკა გაატაროს“,- განაცხადა თინა ბოკუჩავამ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად