დიასპორისა და კავკასიის საკითხთა კომიტეტის თავმჯდომარე და კუბის რესპუბლიკის პარლამენტთან მეგობრობის ჯგუფის ხელმძღვანელი ბექა ოდიშარია კუბის რესპუბლიკის საგანგებო და სრულუფლებიან ელჩს საქართველოში, კარლოს ენრიკე ვალდეს დე ლა კონსეფსიონს შეხვდა.

საქართველოს პარლამენტის ცნობით, ბექა ოდიშარიამ ელჩს დიასპორისა და კავკასიის საკითხთა კომიტეტის მუშაობის ძირითადი მიმართულებები გააცნო.

მათივე ინფორმაციით, თავის მხრივ, ელჩმა კუბის რესპუბლიკის დიპლომატიური წარმომადგენლობის საქმიანობაზე ისაუბრა.

„ბექა ოდიშარიას განცხადებით, სასურველია ორი ქვეყნის საპარლამენტთაშორისო თანამშრომლობა კიდევ უფრო გაღრმავდეს, რაც მეგობრობის ჯგუფების აქტივობაზეცაა დამოკიდებული. აგრეთვე, აუცილებელია ეკონომიკის, კულტურისა და ტურიზმის სფეროში ურთიერთობების განვითარება.

მხარეები თანამშრომლობის გაგრძელებაზე შეთანხმდნენ“,- აღნიშნულია გავრცელებულ ინფორმაციაში.