ალუდა ღუდუშაური - მესამე ძალა, იქნება ეს გახარია, სალომე ზურაბიშვილი, „ლელო“, გვარამია თუ სხვები, საერთო წიაღიდან წამოსული არიან - მომავალ პარლამენტში „კოლექტიური ნაციონალური მოძრაობა“ 30-35 მანდატის ამარა იქნება

მესამე ძალა, იქნება ეს გიორგი გახარია, სალომე ზურაბიშვილი, „ლელო“, გვარამია თუ სხვები, რა თქმა უნდა, საერთო წიაღიდან წამოსული არიან, რომელსაც ჩვენ ძალიან სამართლიანად კოლექტიურ „ნაცმოძრაობას“ ვეძახით - მომავალ პარლამენტში „კოლექტიური ნაციონალური მოძრაობა“ 30-35 მანდატის ამარა იქნება, - აღნიშნული შეფასება ჟურნალისტებთან უმრავლესობის დეპუტატმა ალუდა ღუდუშაურმა გააკეთა.

მისი თქმით, „ესენი გადაზღვევაზე შემოყვანილი პაიკები არიან, წარმოადგენენ კარგად დაძველებულ „ნაცმოძრაობას“ და რეალურად არანაირი მესამე ძალა არ არსებობს“.

როგორც ღუდუშაურმა აღნიშნა, ოპოზიციის მდგომარეობა არის არათუ არასახარბიელო, არამედ ძალიან ცუდი.

„მათ მთელი ეს პერიოდი საკუთარი პროპაგანდა იმაზე ააგეს, რომ ქვეყანას კანდიდატის სტატუსი არ მიეღო, ამით მუხტი ხელოვნურად აეწიათ, ქვეყანაში არეულობა, დესტაბილიზაცია გამოეწვიათ, რათა ამ გზით ხელისუფლებაში მოსულიყვნენ. რა თქმა უნდა, დღევანდელი მოცემულობით, სასტარტო პოზიციით, "ქართულ ოცნებას" ძალიან დიდი უპირატესობა აქვს - პირდაპირ შეგვიძლია გითხრათ, რომ დღეს რომ არჩევნები ჩატარდეს, ქართველი ხალხის გადაწყვეტილება არის ის, რომ "კოლექტიური ნაციონალური მოძრაობა" 30-35 მანდატის ამარა იქნება. ეს არც გასაკვირი და არც მოულოდნელია - არის ძალიან სამართლიანი და ლოგიკური.

„ქართულმა ოცნებამ“ ყველაფერი გააკეთა იმისთვის, რომ ქვეყანას ორნიშნა ეკონომიკური ზრდა ჰქონოდა, შიდა თუ გარე გამოწვევების ფონზე ეს პერიოდი ღირსეულად გაევლო და ქვეყანას კანდიდატის სტატუსი დამსახურებულად მიიღო", - განაცხადა ღუდუშაურმა.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო