ანტიკორუფციული ბიუროს ორგანიზებით, საერთაშორისო კონფერენცია თემაზე „კორუფციის პრევენცია: ანტიკორუფციული რეფორმა საქართველოში და საერთაშორისო პრაქტიკა” გაიმართა.

ამის შესახებ ინფორმაციას ანტიკორუფციული ბიურო ავრცელებს.

მათივე ცნობით, შეხვედრა ანტიკორუფციული ბიუროს უფროსმა რაჟდენ კუპრაშვილმა და გენერალური პროკურორის პირველმა მოადგილემ ბაკურ აბულაძემ გახსნეს.

„კონფერენციაზე მონაწილეობდნენ გერმანიის ფედერაციული რესპუბლიკის, ლიეტუვის რესპუბლიკის, ესპანეთის სამეფოს და მოლდოვის რესპუბლიკის ანტიკორუფციული უწყებების წარმომადგენლები. შეხვედრაზე განიხილეს საქართველოს მიერ გადადგმული ნაბიჯები ანტიკორუფციული მიმართულებით, მიღწეული პროგრესი და არსებული მექანიზმები. საუბარი შეეხო მამხილებელთა დაცვის მიმართულებით საუკეთესო პრაქტიკას, კორუფციული რისკების შეფასებასა და პრევენციული მექანიზმების გაძლიერებას. კონფერენციის სამიზნე აუდიტორიას წარმოადგენდნენ ადგილობრივი და საერთაშორისო ექსპერტები, აკადემიური წრეების და საჯარო დაწესებულებების წარმომადგენლები“,- ნათქვამია გავრცელებულ ინფორმაციაში.