უკრაინის დაზვერვის ინფორმაციით, მოსკოვში რუსი სამხედროების კუთვნილი Ка-32 ვერტმფრენი გაანადგურეს
მოსკოვის ოსტაფიევოს აეროდრომზე რუსი სამხედროების კუთვნილი Ка-32 ტიპის ვერტმფრენი განადგურდა, - ინფორმაციას უკრაინული მედია დაზვერვის მთავარ სამმართველოზე დაყრდნობით ავრცელებს.
უწყების ცნობით, აეროდრომი ეკუთვნის რუსეთის თავდაცვის სამინისტროს და „გაზპრომავიასთან“ ერთად მუშაობს, რომელიც „გაზპრომის“ სტრუქტურაში შედის.
„განადგურებულ საავიაციო ტექნიკას აგრესორი სახელმწიფო რუსეთის საოკუპაციო არმიის ოპერაციების მხარდასაჭერად იყენებდა“, - განმარტავენ უკრაინის დაზვერვის სამსახურში.
