საკალათბურთო კლუბი "ქუთაისი 2010" საქართველოს საკალათბურთო სუპერლიგის ჩემპიონია.

ქუთაისის მერიის ინფორმაციით, კლუბმა გადამწყვეტ საფინალო ბრძოლაში "კავკასიას" 90:82 ანგარიშით მოუგო და ქვეყნის ჩემპიონობა მოიპოვა.

"ქუთაისი 2010" ეროვნული სუპერლიგის ჩემპიონია! ვულოცავ ჩვენს კალათბურთელებს, მწვრთნელებს, პირადად კოტე ტუღუშს, გულშემატკივრებს, მთელ ქუთაისს ამ დიდ გამარჯვებას!", - განაცხადა ქუთაისის მერმა იოსებ ხახალეიშვილმა.