არმაზ ახვლედიანი - ოპოზიცია ვალდებულია გადავიდეს მოქმედებაზე - ამისთვის მზაობას ჯერჯერობით ვერ ვხედავ, მაინც იმედიანად ვარ, რადგან მიმაჩნია, რომ ჯერ კიდევ არის გამოუყენებელი რესურსები

რამდენი დეკლარაციაც არ უნდა შედგეს ან ქარტია, ოპოზიცია ვალდებულია გადავიდეს მოქმედებაზე, - ამის შესახებ პარლამენტის დამოუკიდებელმა დეპუტატმა, არმაზ ახვლედიანმა „პალიტრანიუსის“ გადაცემაში „რეზიუმე“ ერთობის დეკლარაციაზე საუბრისას განაცხადა.

ახვლედიანი მოუწოდებს ოპოზიციას, ამაღლდნენ საკუთარ ამბიციებზე მაღლა და მარტო დეკლარაციებზე ხელისმოწერით ნუ ჩათვლიან, რომ საქმე დასრულებულია.

„არც კი ვიკითხავ, ისე ვუჭერ მხარს წინასაარჩევნოდ ნებისმიერ გაერთიანებას, მათ შორის ამ დეკლარაციის განწყობას. მით უფრო სად და ვისი მხარდაჭერით - კვლავ ჩვენი დასავლელი პარტნიორების მხარდაჭერით. მახსენდება სალომე ზურაბიშვილის სიტყვები: „ქარტია და ხელმოწერა კარგია, მაგრამ საჭიროა მოქმედება“. რაც შეეხება მოქმედებას, რამდენი დეკლარაციაც არ უნდა შედგეს ან ქარტია, ოპოზიცია ვალდებულია გადავიდეს მოქმედებაზე. მინდა დავიჯერო, რომ ეს იქნება სწორი მოქმედება და ნაბიჯები, რაც საზოგადოებას გააერთიანებს იმ განწყობით, რომ 26 ოქტომბერს, კონსტიტუციური გზით დავასრულებთ ივანიშვილის პოლიციურ რეჟიმს. ამისთვის ოპოზიციის მზაობას ჯერჯერობით ვერ ვხედავ. იმედიანად მაინც ვარ, რადგან მიმაჩნია, რომ ჯერ კიდევ არის გამოუყენებელი რესურსები.

მოვუწოდებ ყველას, ამ არაორდინალური ვითარების გათვალისწინებით, მოდით, ავმაღლდეთ საკუთარ ამბიციებზე მაღლა და მარტო დეკლარაციებზე ხელისმოწერით ნუ ჩავთვლით, რომ საქმე დასრულებულია. გადავიდეთ კონკრეტულ მოქმედებაზე, რაც ხელს შეუწყობდა ჩვენი საზოგადოების დარაზმვას დიდი გამარჯვებისთვის“, - განაცხადა არმაზ ახვლედიანმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო