ევროპის ჩემპიონატზე მერვედფინალში საქართველო-ესპანეთის საფეხბურთო ნაკრებებს შორის მატჩის პირველი ტაიმი ფრედ, 1:1 დასრულდა.

სწრაფ კონტრშეტევაზე ანგარიში საქართველოს ნაკრებმა გახსნა, გოლი საკუთარ კარში მეთვრამეტე წუთზე ლე ნორმანდმა შეაგდო.

ესპანეთის მხრიდან კი გოლი საქართველოს კარში შეხვედრის მეთექვსმეტე წუთზე გავიდა.

საქართველო - ესპანეთის დაპირისპირება კიოლნში მიმდინარეობს.

ევროპის ჩემპიონატზე პირველი მატჩი საქართველოს ნაკრებმა 18 ივნისს, თურქეთთან გამართა და 1:3 დამარცხდა, ხოლო 22 ივნისს ჩეხეთის ნაკრებთან შეხვედრა ფრედ, 1:1 დაასრულა და ევროპის ჩემპიონატზე პირველი ქულა მოიპოვა. 26 ივნისს კი საქართველოს ნაკრებმა ჯგუფური ეტაპის მესამე მატჩში პორტუგალია 2:0 დაამარცხა და პლეი-ოფში გავიდა.