ისრაელის პრემიერ-მინისტრი, ბენიამინ ნეთანიაჰუ უსაფრთხოების საკითხებზე დღეს სპეციალურ შეხვედრას გამართავს, - ინფორმაციას The Times of Israel-ი ავრცელებს.

გამოცემის ცნობით, შეხვედრა მინისტრებისა და უშიშროების წარმომადგენლების მონაწილეობით თელ-ავივში, კირიას სამხედრო შტაბ-ბინაში გაიმართება.

გავრცელებული ინფორმაციით, შეხვედრაზე საუბარი იქნება „ჰამასის“ ლიდერის იაჰია სინვარის ლიკვიდაციის შემდეგ მძევლების გათავისუფლების შესახებ შეთანხმების მოლაპარაკებებში პროგრესის მიღწევის შესაძლებლობაზე.