რუსეთის პრეზიდენტმა ვლადიმერ პუტინმა განაცხადა, რომ რუსეთის ფედერაცია ღიაა ყველა ქვეყანასთან თანასწორობის პრინციპებზე დაფუძნებული ურთიერთსასარგებლო თანამშრომლობისთვის.

„რაც შეეხება ჩვენს ქვეყანას, ის ღიაა ყველა სახელმწიფოსთან თანასწორობის, საშინაო საქმეებში ჩაურევლობისა და საერთაშორისო სამართლის მკაცრი დაცვის პრინციპებზე დაფუძნებული ორმხრივად სასარგებლო თანამშრომლობისთვის“, - აღნიშნა პუტინმა.

მისი მტკიცებით, რუსეთი ყოველთვის ერთგულია ქვეყნებთან ორმხრივად სასარგებლო თანამშრომლობის ლოგიკის და კონფრონტაციისკენ არ ისწრაფვის.

„მინდა მჯეროდეს, რომ რუსეთთან თანამშრომლობის რაციონალური, დაბალანსებული შეხედულება კიდევ ერთხელ გაიმარჯვებს“, - განაცხადა პუტინმა.

ამასთან, მისი თქმით, რუსეთისთვის სტრატეგიული მარცხის მიყენების მცდელობები ილუზიურია.

„რაც შეეხება უკრაინას, არსებითად მტრული კურსი, რომელსაც დასავლეთის რამდენიმე სახელმწიფო ახორციელებს უკრაინის კონფლიქტის ესკალაციისა და გახანგრძლივების მიზნით, ჩვენი ქვეყნისთვის სტრატეგიული მარცხის მიყენების მიზნით, ღრმად მცდარია. ასეთი ილუზიური გათვლების გაკეთება მხოლოდ მათ შეუძლიათ, ვინც არ იცის და არ უნდა იცოდეს რუსეთის ისტორია, ვინც არ ითვალისწინებს რუსი ხალხის სულის სიძლიერეს და ერთიანობას“, - აღნიშნა პუტინმა.