საფრანგეთის პრეზიდენტი ემანუელ მაკრონი სირიის პრეზიდენტს შეხვდება, - ამის შესახებ ინფორმაციას სააგენტო Reuters-ი საფრანგეთის პრეზიდენტის ადმინისტრაციაზე დაყრდნობით ავრცელებს.

საფრანგეთის პრეზიდენტის ადმინისტრაციის ცნობით, პრეზიდენტი ემანუელ მაკრონი სირიის პრეზიდენტს, აჰმედ ალ-შარაას 7 მაისს პარიზში შეხვდება.

„შეხვედრაზე პრეზიდენტი კიდევ ერთხელ დაადასტურებს საფრანგეთის მხარდაჭერას ახალი, თავისუფალი, სტაბილური და სუვერენული სირიის მშენებლობის მიმართ, რომელიც პატივს სცემს სირიის საზოგადოების ყველა ნაწილს“, - ნათქვამია საფრანგეთის პრეზიდენტის ადმინისტრაციის განცხადებაში.

ცნობისთვის, ეს სირიის პრეზიდენტის, აჰმედ ალ-შარაას პირველი ევროპული ვიზიტია.