ვიქტორ ორბანი - რუსებს ნატო-ზე თავდასხმა არ შეუძლიათ, ამისთვის სუსტები არიან, ისინი უკრაინასაც კი ვერ ამარცხებენ
უნგრეთის პრემიერ-მინისტრის, ვიქტორ ორბანის განცხადებით, რუსეთიდან ნატო-ს ქვეყნებისთვის რეალურ სამხედრო საფრთხეს ვერ ხედავს.
უკრაინული მედიის ცნობით, ამის შესახევ ორბანმა ფრანგულ გამოცემა LCI-თან ინტერვიუში განაცხადა.
„რუსები ამისთვის სუსტები არიან. ისინი უკრაინასაც კი ვერ ამარცხებენ, ამიტომ ნატო-ზე თავდასხმა რეალურად არ შეუძლიათ“, - აღნიშნა ორბანმა.
ამასთან, სხვა კითხვაზე საპასუხოდ, მან განაცხადა, რომ უკრაინა ომს აგებს და რომ მისი დასრულების რეალური მოლაპარაკებები რუსეთსა და შეერთებულ შტატებს შორის გაიმართება.
„ვერც ევროპა და ვერც უკრაინა ვერ შეძლებენ რუსეთთან შეთანხმების მიღწევას. უკრაინა - იმიტომ, რომ ის ომს წააგებს და ევროპა - იმიტომ, რომ ის ზედმეტად არის ჩართული ამაში. ეს უნდა იყოს შეთანხმება რუსებსა და ამერიკელებს შორის“, - განაცხადა უნგრეთის პრემიერ-მინისტრმა.
v-if="article.gallery" v-html="article.gallery"
