სასჯელაღსრულების დეპარტამენტის მე-8 საპყრობილეში ოპიუდურმედიკამენტებზე დამოკიდებული პატიმრებისთვის მეტადონის ჩანაცვლების პილოტური პროგრამა იწყება.

იუსტიციისა და ჯანდაცვის სამინისტროებს შორის შეთანხმება დღეს გააფორმდა. ჩანაცვლების პროგრამას „გლობალფონდი“ აფინანსებს.

როგორც ხელმოწერის ცერმონიას საქართველოს პირველმა ლედიმ სანდრა რულოვსმა განაცხადა, პროგრამა ძალიან მნიშვნელოვანია და სასჯელაღსრულების დეპარტამენტში 2-3 თვე გაგრძელდება; თუ პროცესი გაამართლებს, მისი გაგრძელებაზეც იქნება საუბარი.

ჯანდაცვის მინისტრის ალექსანდრე კვიტაშვილის თქმით, პროგრამა 50 პატიმარზეა გათვლილი, რაც მათ დაეხმარება ე.წ. ლომკის დეპოქსიკაციის დაძლევაში.

„მკურნალობა განხორციელდება ხანგრძლივი დეტოქსიკაციის ფორმით. პაციენტებს მიეცემათ მეტადონის ჰიდროქლორიდის კლებითი დოზები, სხვა მედიკოფსიქოლოგიურ ღონისძიებათა კომპლექსში, რაც უზრუნველყოფს სინდრომის მოხსნას, პაციენტის ფსიქოფიზიკური ჯანმრთელობის გაუმჯობესებას, ხელს შეუწყობს მომავალში მისი შრომისუნარიანობის აღდგენას, ცხოვრების ჯანსაღი წესის აღდგენას და საზოგადოებაში რეინტეგრაციას“, _ განაცხადა ჯანდაცვის მინისტრმა.

იუსტიციის მინისტრის მოადგილემ თინა ბურჯალიანმა განაცხადა, რომ გლდანში მდებარე სასჯელაღსრულების მე-8 საპატიმროში ინფრასტრუქტურა კეთილმოწყობილია და ყველა პირობაა შექმნილი, რათა პროექტმა წარმატებით იმუშაოს.;

;