გადაწყვეტილება უნდა მივიღოთ „ოცნების“ წევრ ექვს ადამიანზე, ვინ არიან მთავარი ბოროტმოქმედები ჩვენს ქვეყანაში, რომლებმაც აქამდე მოგვიყვანეს და მოვითხოვოთ მათი სასწრაფო დატყვევება და მიყვანა საპყრობილეში,- ამის შესახებ მოძრაობა „რუსთაველის გამზირის“ დამფუძნებელმა პაატა ბურჭულაძემ აქციაზე შეკრებილებისთვის დეკლარაციის გაცნობისას განაცხადა.

ბურჭულაძის თქმით, პირველ რიგში, უნდა მოხდეს ქვეყნის პრემიერის ირაკლი კობახიძის დაპატიმრება.

„გადაწყვეტილება უნდა მივიღოთ „ოცნების“ წევრ ექვს ადამიანზე, ვინ არიან მთავარი ბოროტმოქმედები ჩვენს ქვეყანაში, რომლებმაც აქამდე მოგვიყვანეს და მოვითხოვოთ მათი სასწრაფო დატყვევება და მიყვანა საპყრობილეში.

ნომერი პირველი - ირაკლი კობახიძე, ნომერი ორი - შალვა პაპუაშვილი, ნომერი სამი - ანზორ ჩუბინიძე, ნომერი ოთხი - მამუკა მდინარაძე, ნომერი ხუთი - თეა წულუკიანი, ნომერი ექვსი - ბიძინა ივანიშვილი.

ამ წუთიდან ჩვენ გვეკუთვნის ძალაუფლება. შინაგან საქმეთა სამინისტრო ვალდებულია, ისინი ჩვენ ჩაგვაბარონ. ის ადამიანები, ვინც დაუფარავენ მათ, ასევე მიეცემიან პასუხისგებაში. არც პირადი დაცვა არ უშველით, პირადი დაცვაც მიეცემა პასუხისგებაში და შინაგანს საქმეთა სამინისტროს თანამშრომლებიც“, - განაცხადა პაატა ბურჭულაძემ.