პარიზის პროკურატურამ ქაშერულ მაღაზიაში შეჭრილი თავდამსხმელის ამედი კულიბალის დახმარებაში ოთხ ეჭვმიტანილს ტერორიზმის ხელშეწყობისთვის წაუყენა ბრალი.

ფრანგული მედიის ცნობით, სამი მათგანი ეჭვმიტანილია ამედი კულიბალისთვის იარაღის შეძენაში.

ორი კვირის წინ, საფრანგეთში განხორციელებულ ტერაქტებს 17 ადამიანი ემსხვერპლა.

ფრანგული მედიის ბოლო ინფორმაციით, საფრანგეთის ხელისუფლებამ 425 მილიონი ევროთი გაზარდა კონტრტერორისტული ოპერაციების დაფინანსება. ამავე მიზნით ხელისუფლებამ დამატებით 2 680 სამართალდამცავი დაიქირავა.