დეკანოზი მიქაელ ბოტკოველი - საპატრიარქო თამაზ სუხიაშვილის ცხედრის ქაშუეთში დასვენების წინააღმდეგი არ არის

პატრიარქის მდივნის დეკანოზ მიქაელ ბოტკოველის განცხადებით, საპატრიარქო უკრაინაში გარდაცვლილი ქართველი მებრძოლის თამაზ სუხიაშვილის ცხედრის ქაშუეთში დასვენების წინააღმდეგი არ არის.

როგორც "ინტერპრესნიუსს" მამა მიქაელმა განუცხადა, თამაზ სუხიაშვილის ცხედრის ქაშუეთში დასვენების თხოვნით ამ დრომდე მათთვის არავის არ მიუმართავს. დეკანოზი აცხადებს, რომ საზოგადოებაში ამასთან დაკავშირებით არასწორი ინტერპრეტაციები ვრცელდება, თითქოს საპატრიარქო ცხედრის ქაშუეთში დასვენების წინააღმდეგია.

"თამაზ სუხიაშვილის ცხედრის ქაშუეთში დასვენების თხოვნით ჩვენთვის არავის არ მოუმართავს. რატომ უნდა ვიყოთ წინააღმდეგი გარდაცვლილის ტაძარში დასვენების?! თუ აღნიშნულთან დაკავშირებით გარდაცვლილის ოჯახის წევრები ან ახლობლები მოგვმართავენ, უარს არ ვიტყვით", - აღნიშნა პატრიარქის მდივანმა.

გუშინ ინტერნეტმედიაში გავრცელდა ინფორმაცია, რომ უკრაინის ქართული ბატალიონის წევრები გარდაცვლილი თამაზ სუხიაშვილის ცხედრის ქაშუეთის ტაძარში დასვენების თხოვნით საპატრიარქოს მიმართავდა.

საქართველოს საგარეო საქმეთა სამინისტროს ინფორმაციით, უკრაინაში დაღუპული ქართველი მებრძოლის თამაზ სუხიაშვილის სამოქალაქო პანაშვიდი დღეს კიევში, ხრეშატიკზე გაიმართება.

ღონისძიებას უკრაინაში საქართველოს ელჩი მიხეილ უკლება, ქართველი დიპლომატები და უკრაინაში ოფიციალური ვიზიტით მყოფი საქართველოს საპარლამენტო დელეგაციის წევრები დაესწრებიან. საქართველოში კი თამაზ სუხიაშვილის ცხედრის გადმოსვენება დღეს მოხდება. გარდაცვლილის გადმოსვენებასთან დაკავშირებულ პროცედურებს უკრაინაში საქართველოს საელჩო უზრუნველყოფს.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს