უკრაინაში, დონეცკში საბრძოლო მოქმედებებისას დაღუპული საქართველოს მოქალაქის, თამაზ სუხიაშვილის სამოქალაქო პანაშვიდი გაიმართა.

კიევის ცენტრში იმყოფებოდნენ უკრაინელი სამხედროები, ქართველი მებრძოლები, ასევე საქართველოს პარლამენტის დეპუტატები: თედო ჯაფარიძე, ვიქტორ დოლიძე, დავით დარჩიაშვილი, დავით საყვარელიძე, გიორგი ვაშაძე, ასევე საქართველოს ელჩი უკრაინაში, მიხეილ უკლება.

"რაც ხდება დღეს უკრაინაში, ეს ტრაგიკული მოვლენები – ყირიმი, დონბასი, ლუჰანსკი, ის მსხვერპლი, რომელიც პირველ რიგში, რა თქმა უნდა, უკრიანელმა ხალხმა გაიღო და მათ გვერდში ამოუდგნენ ქართველები - ეს ყველაფერი ჩვენი თავისუფლებისთვის ხდება, რომ შევინარჩუნოთ ის მონაპოვარი, რომელიც უკრაინამ და საქართველომ 90-იან წლებში მოიპოვეს", - განაცხადა საქართველოს პარლამენტის საგარეო ურთიერთობათა კომიტეტის თავმჯდომარემ თედო ჯაფარიძემ.

თამაზ სუხიაშვილს, რომელიც გასულ კვირას, დონეცკის აეროპორტის შტურმისას დაიღუპა, საქართველოში დღეს ღამით გადმოასვენებენ.

იხილეთ ბმული: უკრაინა ქართველ "კიბორგს" ემშვიდობება - თამაზ სუხიაშვილის პანაშვიდი კიევში