თბილისის საერთაშორისო აეროპორტში თამაზ სუხიაშვილის ჩამოსვენებას ელოდებიან
თბილისის საერთაშორისო აეროპორტში ოფიციალური პირები და ახლობლები უკრაინაში დაღუპული ქართველი მებრძოლის, თამაზ სუხიაშვილის ჩამოსვენებას ელოდებიან.
ადგილზე იმყოფებიან უკრაინის ელჩი საქართველოში ვასილი ციბენკო, უკრაინის სამხედრო ატაშე სერგეი კუნდიუსი, საქართველოს საგარეო საქმეთა სამინისტროს სპიკერი დავით კერესელიძე, გარდაცვლილის ოჯახის წევრები და ახლობლები.
თვითმფრინავი კიევიდან თბილისის მიმართულებით უკვე გამოფრენილია და თბილისის საერთაშორისო აეროპორტში 00.05 საათზე უნდა დაეშვას.
თამაზ სუხიაშვილი, რომელიც წარმოშობით ხაშურის რაიონის სოფელ ცხრამუხადან იყო, გასულ კვირას დონეცკის აეროპორტის შტურმისას დაიღუპა. მას ორი მცირეწლოვანი შვილი დარჩა.
