"ნაციონალური მოძრაობისა" და "თავისუფალი ზონის" წევრებმა დაღუპული ქართველის ცხედარი დაშვებული დროშების კორიდორში გაატარეს

უკრაინაში დაღუპული ქართველი მებრძოლის, თამაზ სუხიაშვილის ცხედარს თბილისის საერთაშორისო აეროპორტთან "ნაციონალური მოძრაობის" წევრები და "თავისუფალი ზონის"წარმომადგენლები დახვდნენ. მათ პროცესია დაშვებული საქართველოს დროშების კორიდორში გაატარეს.

როგორც ჟურნალისტებთან საუბრისას საპარლამენტო უმცირესობის წარმომადგენელმა გივი თარგამაძემ განაცხადა, თამაზ სუხიაშვილმა საქართველოში პრაქტიკულად ყველა ომი გამოიარა. "როდესაც უკრაინაში დაიწყო ომი, მან სწორად ჩათვალა, რომ ეს საქართველოსთვის მორიგი ომია, წავიდა ყველაზე მძიმე ბრძოლაში, გამოიჩინა ნამდვილი მხედრული მამაცობა და თავი დადო უკრაინელ თანამებრძოლებთან ერთად გმირულად. მოწიწებით ქედს ვიხრი მისი ხსოვნის წინაშე, თანადგომას ვუცხადებ ოჯახს. ამავე დროს, ვამაყობ, რომ საქართველოს ასეთი მებრძოლები, ასეთი ვაჟკაცები ჰყავს", - აღნიშნა გივი თარგამაძემ.

გარდაცვლილის ოჯახსა და საქართველოს მიუსამძიმრა უმცირესობის კიდევ ერთმა წარმომადგენელმა ნუგზარ წიკლაურმა. "ასეთი ადამიანები, როგორიც იყო თამაზი, არ უკვდებიან მხოლოდ თავიანთ ოჯახებს, თავიანთ მეგობრებს, არამედ ისინი არიან მთელი საქართველოს თავისუფლებისთვის დაღუპულები. მაშინ, როცა რუსები გვიკლავენ საუკეთესო შვილებს, საქართველოს გმირებს, საქართველოს ჰყავს ხელისუფლება, რომელიც აქ იწვევს რუსებს იმისთვის, რომ გაბატონდნენ საქართველოში", - განაცხადა ნუგზარ წიკლაურმა.

აეროპორტთან იმყოფებოდნენ ასევე თენგიზ გუნავა, სერგო რატიანი, ზურაბ ჯაფარიძე, კობა სუბელიანი. თამაზ სუხიაშვილის ცხედარს ამ წუთებში თბილისის საერთაშორისო აეროპორტიდან ქაშუეთის ტაძარში მიასვენებენ.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს