თამაზ სუხიაშვილი ქაშუეთის ტაძარში დაასვენეს

უკრაინაში დაღუპული ქართველი მებრძოლი თამაზ სუხიაშვილი ქაშუეთის ტაძარში დაასვენეს. ეკლესიაში ამ წუთებში იმყოფებიან მიცვალებულის ოჯახის წევრები,მათ შორის, მეუღლე და 4 წლის შვილი, მეგობრები, ნათესავები, თავისუფალი ზონის" წევრები, "ნაციონალური მოძრაობის" წევრი კობა ხაბაზი.

ოჯახს საბოლოო გადაწყვეტილება ჯერ მიღებული არ აქვს, თამაზ სუხიაშვილი თბილისიდან ამაღამ გადაასვენონ, თუ ხვალ დღის პირველ ნახევარში. თბილისიდან გადასვენების შემდეგ მიცვალებულს გორში ნაქირავებ ბინაში დაასვენებენ, მოგვიანებით კი ხაშურში, სოფელ ცხრამუხაში დაკრძალავენ.

უკრაინაში დაღუპული ქართველი მებრძოლი, თამაზ სუხიაშვილი საქართველოში ცოტა ხნის წინ ჩამოასვენეს. თბილისის საერთაშორისო აეროპორტში მიცვალებულს პატივი მიაგეს ოფიციალურმა პირებმა და ახლობლებმა. აეროპორტში იმყოფებოდნენ უკრაინის ელჩი საქართველოში ვასილი ციბენკო, სამხედრო ატაშე სერგეი კუნდიუსი, საქართველოს საგარეო საქმეთა სამინისტროს სპიკერი დავით კერესელიძე.

აეროპორტის გამოსასვლელში ცხედარს დაშვებული დროშებით პატივი მიაგეს "თავისუფალი ზონის" წარმომადგენლებმა და "ნაციონალური მოძრაობის" ლიდერებმა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება