ვასილი ციბენკო - დარწმუნებული ვარ, თუ საქართველოს დასჭირდება, უპირველეს ყოვლისა, დასახმარებლად სწორედ უკრაინელები მოვლენ

დარწმუნებული ვარ, თუ საქართველოს დასჭირდება, უპირველეს ყოვლისა, დასახმარებლად სწორედ უკრაინელები მოვლენ, - ამის შესახებ საქართველოში უკრაინის ელჩმა ვასილი ციბენკომ წუხელ, თბილისის საერთაშორისო აეროპორტში ჟურნალისტებს განუცხადა, სადაც უკრაინაში დაღუპული ქართველი მებრძოლი თამაზ სუხიაშვილი ჩამოასვენეს. ელჩის განცხადებით, უკრაინაშიც და საქართველოშიც დიდი გლოვაა.

"ჩვენ აუნაზღაურებელი დანაკარგი განვიცადეთ აღმოსავლეთ უკრაინაში. აეროპორტისთვის ბრძოლაში გმირულად დაეცა თამაზ სუხიაშვილი. უპირველეს ყოვლისა, მინდა გამოვხატო დიდი მწუხარება, ძალიან ძნელია მოძებნო რაიმე სიტყვა, რომელიც მის ახლობლებს ტკივილს შეუმსუბუქებს. თუმცა მინდა, ისინი დავარწმუნო, რომ ისინი მარტო არ არიან. უკრაინაც და საქართველოც გლოვობს თამაზის სიკვდილს და გამოთქვამს დიდ მწუხარებას. თამაზი ძალიან მამაცი მეომარი იყო. ყველგან, სადაც იბრძოდა, სამხრეთ ოსეთშიც, ავღანეთშიც და ერაყშიც, თავისი მხედრული სიმამაცე გამოავლინა. თუმცა. საუბედუროდ, იმ საბედისწერო საღამოს აეროპორტში მტრის ტყვიამ ახალგაზრდა სიცოცხლე გმირულად შეწყვიტა", - აღნიშნა ელჩმა.

ვასილი ციბენკომ მადლობა გადაუხადა თამაზ სუხიაშვილის მშობლებსა და საქართველოს ასეთი შვილის აღზრდისთვის. "თამაზი ყოველთვის ამბობდა, რომ უკრაინისთვის ბრძოლაში მე ვიბრძვი ჩემი მეგობრებისთვის და ვიბრძვი, ზოგადად თავისუფლებისთვის. დარწმუნებული ვარ, თუ საქართველოს დასჭირდება, უპირველეს ყოვლისა, დასახმარებლად სწორედ უკრაინელები მოვლენ. ის იყო სამართლიანი პიროვნება და ებრძოდა უსამართლობას", - განაცხადა ვასილი ციბენკომ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება