თამაზ სუხიაშვილის ცხედარს დღეს ხაშურში გადაასვენებენ

უკრაინაში დაღუპულ ქართველ მებრძოლს, თამაზ სუხიაშვილს ქაშვეთის წმინდა გიორგის სახელობის ტაძრიდან 13 საათზე გამოასვენებენ. ამის შესახებ "ინტერპრესნიუსს" გარდაცვლილის ახლობელმა კობა ბარბაქაძემ განუცხადა.

მისივე თქმით, თამაზ სუხიაშვილის ცხედარს დღეს ხაშურში გადაასვენებენ.

უკრაინაში დაღუპული ქართველი მებრძოლი, თამაზ სუხიაშვილი საქართველოში წუხელ ჩამოასვენეს.

თბილისის საერთაშორისო აეროპორტში მიცვალებულს პატივი ოფიციალურმა პირებმა და ახლობლებმა მიაგეს. აეროპორტში იმყოფებოდნენ უკრაინის ელჩი საქართველოში ვასილი ციბენკო, სამხედრო ატაშე სერგეი კუნდიუსი, საქართველოს საგარეო საქმეთა სამინისტროს სპიკერი დავით კერესელიძე.

აეროპორტის გამოსასვლელში ცხედარს დაშვებული დროშებით პატივი მიაგეს "თავისუფალი ზონის" წარმომადგენლებმა. იქ ასევე იმყოფებოდნენ "ნაციონალური მოძრაობის" წევრები.

თამაზ სუხიაშვილს ხაშურში, სოფელ ცხრამუხაში დაკრძალავენ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება