უკრაინაში დაღუპული ქართველი მებრძოლი თამაზ სუხიაშვილი ქაშვეთის წმინდა გიორგის სახელობის ტაძრიდან გამოასვენეს. გარდაცვლილის ცხედარს თბილისიდან ხაშურში მიასვენებენ. ტაძარში იმყოფებოდნენ თამაზ სუხიაშვილის ოჯახის წევრები, ახლობლები, "ნაციონალური მოძრაობის" წარმომადგენლები გიორგი ბარამიძე, სერგო რატიანი, ტარიელ ლონდარიძე და უმრავლესობის წევრი ზაქარია ქუცნაშვილი.

ოჯახის წევრების ინფორმაციით, თამაზ სუხიაშვილს კვირას, 25 იანვარს 37 წელი შეუსრულდებოდა. ახლობლებს არ სურდათ, რომ მიცვალებული მის დაბადების დღეზე დაეკრძალათ, ამიტომ თამაზ სუხიაშვილს შაბათს, 24 იანვარს ხაშურის რაიონის სოფელ ცხრამუხაში დაკრძალავენ.