საქართველოს პრემიერ-მინისტრ ირაკლი ღარიბაშვილის მტკიცებით, ინფორმაცია, თითქოს ალექსანდრე ჭიკაიძე ზურაბ ვაზაგაშვილის მკვლელებს ხელს აფარებს, ცრუა და ის "ვიღაცამ შეგნებულად გაავრცელა".

როგორც პრემიერმა ჟურნალისტებს დავოსში განუცხადა, გამოძიება ყველაფერს დაადგენს. "გასაგებია, რომ ვიღაცამ შეგნებულად გაავრცელა ეს ცრუ ინფორმაცია და ბატონ იურის მიაწოდა. იყვნენ ადამიანები, რომლებმაც ეს შეგნებულად გააკეთეს, მაგრამ სიმართლე გაირკვევა, გამოძიება დაადგენს ყველაფერს", - აღნიშნა პრემიერმა.

რაც შეეხება უშუალოდ იური ვაზაგაშვილის საქმეს, მთავრობის მეთაურის თქმით, ყველა, ვინც ეს საზარელი მკვლელობა ჩაიდინა, "ძალიან მკაცრად დაისჯება".