ეკა ბესელია - ალექსანდრე ჭიკაიძემ პასუხისმგებლობის მაღალი სტანდარტი გამოიჩინა

საპარლამენტო უმრავლესობის ერთ-ერთი ლიდერი ეკა ბესელია თანამდებობიდან გადადგომის თაობაზე შინაგან საქმეთა მინისტრის გადაწყვეტილებას დადებითად აფასებს და აცხადებს, რომ ალექსანდრე ჭიკაიძემ პასუხისმგებლობის მაღალი სტანდარტი გამოიჩინა.

როგორც დეპუტატმა ჟურნალისტებს განუცხადა, მინისტრმა მაღალი პასუხისმგებლობა იური ვაზაგაშვილის შემზარავი მკვლელობის გამო იგრძნო.

"ეს პასუხისმგებლობა მთლიანად გადანაწილებულია ყველა იმ ადამიანზე, ვისაც სახელმწიფოებრივი და თანამდებობრივი პასუხისმგებლობა გააჩნია. ნებისმიერ კითხვას, რაც ამ საქმესთან დაკავშირებით შეიძლება არსებობდეს, აუცილებლად უნდა გაეცეს პასუხი. ალექსანდრე ჭიკაიძის გადაწყვეტილება იყო მართებული, სწორი და შესატყვისი. იმის მიუხედავად, რომ მთელი შინაგან საქმეთა სამინისტრო, მისი ხელმძღვანელობა მობილიზებულია, რათა როგორც იური ვაზაგაშვილის, ასევე მისი შვილის საქმეებზე გამოძიება სწრაფად წარიმართოს და დამნაშავეთა დაკავებით დასრულდეს, ასეთ ვითარებაში მიღებულია გადაწყვეტილება, სადაც თანამდებობაზე მაღლა უფრო მნიშვნელოვანი ღირებულებები დადგა. ეს არის ის მორალური პასუხისმგებლობა და სტანდარტი, რაც ჩვენი ხელისუფლებისთვის ყველაზე მნიშვნელოვანია", - აცხადებს ეკა ბესელია.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს