გია ხუხაშვილი - გადადგომა ჭიკაიძისთვისაც არის გათავისუფლება იმ ტვირთისგან, რომლის ზიდვაც არ შეეძლო

შეცდომა არა ჭიკაიძის წასვლა, არამედ დანიშვნა იყო, - ასე გამოეხმაურა ექსპერტი გია ხუხაშვილი ალექსანდრე ჭიკაიძის გადაწყვეტილებას, რომლის მიხედვითაც ის შს მინისტრის პოსტს ტოვებს. როგორც ხუხაშვილმა "ინტერპრესნიუსს" განუცხადა, ჭიკაიძე არც ერთი კრიტერიუმით არ აკმაყოფილებდა შინაგან საქმეთა მინისტრის თანამდებობას.

"შეცდომა და მთავარი პრობლემა იყო არ მისი წასვლა, არამედ მისი დანიშვნა. ჭიკაიძის დანიშვნა მისთვისაც და ქვეყნისთვისაც საკმაოდ სერიოზული პრობლემა იყო, რადგან ის არც ერთი კრიტერიუმით არ აკმაყოფილებდა ამ თანამდებობას. გადადგომა თავად ჭიკაიძისთვისაც არის გათავისუფლება იმ მძიმე ტვირთისგან, რომლის ზიდვის არც პოლიტიკური და არც პროფესიული კაპიტალი და გამოცდილება არ ჰქონდა. დარწმუნებული ვარ, რომ ის 24 საათი მუშაობდა და ძალიან მონდომებული იყო, თუმცა ეს არ არის საკმარისი. შსს ფუნდამენტს წარმოადგენს ხელისუფლების და მისი დანიშვნა თავიდანვე გაუაზრებული გადაწყვეტილება იყო. ამის თაობაზე ის არ იყო პასუხისმგებელი, პასუხისმგებლობა ეკისრება იმ ადამიანებს, რომლებმაც ეს გადაწყვეტილება მიიღეს, რაც იყო შეცდომა", - განაცხადა ხუხაშვილმა.

მისივე თქმით, ვაზაგაშვილების საქმეზე ჭიკაიძის მიმართ წარმოთქმული ბრალდებები სამართლიანი არ არის.

"ჭიკაიძე ამ საქმესთან დაკავშირებით ნეგატიურად არ იყო ჩართული და მის მიმართ ბრალდებები სამართლიანად არ მიმაჩნია. მიუხედავად ამისა, ის იღებს პოლიტიკურ პასუხისმგებლობას ისეთ საქმესთან დაკავშირებით, რომელიც მათ შორის პოლიტიკურად ძალიან რეზონანსულია, ეს მისასალმებელია და ნამდვილად შეესაბამება იმ სტანდარტს რაც მიღებულია ნორმალურ და დემოკრატიულ ქვეყნებში", - აღნიშნა ხუხაშვილმა.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 22.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს