ნინო გოგუაძე - მხოლოდ ჭიკაიძის მოხსნა საკმარისი არ არის და პასუხისმგებლობა პრემიერ-მინისტრმაც უნდა აიღოს

ალექსანდრე ჭიკაიძე კი არ გადადგა, მოხსნეს, - ეს განცხადებას საპარლამენტო ფრაქცია "თავისუფალი დემოკრატების" წარმომადგენელმა, ნინო გოგუაძემ გააკეთა.

დეპუტატის შეფასებით, იური ვაზაგაშვილის მკვლელობის საქმესთან დაკავშირებით, "მხოლოდ ჭიკაიძის მოხსნა საკმარისი არ არის და მომხდარზე პასუხისმგებლობა პრემიერ-მინისტრმა ირაკლი ღარიბაშვილმაც უნდა აიღოს". ნინო გოგუაძის აზრით, დაკავებული თანამდებობა ირაკლი ღარიბაშვილმაც უნდა დატოვოს.

"ალექსანდრე ჭიკაიძე მოხსნეს. ზუსტად ვიცი, როგორც ხდება ასეთი გადადგომები. ძალიან კარგია, რომ ჭიკაიძე მოხსნეს, მაგრამ საკმარისი არ არის. ქვეყანაში შექმნილია ძალიან მძიმე კრიმინოგენური ვითარება, რომელიც ჩვენი თანამებრძოლის, იური ვაზაგაშვილის წარმოუდგენლად ცინიკური აფეთქებით დასრულდა. ეს არ შეიძლება მარტო ალექსანდრე ჭიკაიძის ბრალი იყოს. მომხდარი მთლიანად აღმასრულებელი ხელისუფლების ბრალია. თუკი სურთ შექმნილი ვითარების გამოსწორება, უნდა შეიცვალოს მართვის პრინციპი და სხვა უფრო სერიოზული საკადრო გადაწყვეტილებები იქნას მიღებული. უნდა გადადგეს პრემიერ-მინისტრი", - აცხადებს ნინო გოგუაძე.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს