თინა ხიდაშელი - ახლა მთავარი ახალი მინისტრის შერჩევაა

საპარლამენტო უმრავლესობის ერთ-ერთი ლიდერის, თინა ხიდაშელის განცხადებით, შინაგან საქმეთა ახალი მინისტრის ვინაობა კოალიციურ რეჟიმში გადაწყდება, - ამის შესახებ ხიდაშელმა "ინტერპრესნიუსს" განუცხადა.

მისივე განმარტებით, ახლა მთავარი არა შს მინისტრობიდან გადადგომის შესახებ ალექსანდრე ჭიკაიძის გადაწყვეტილების შეფასება, არამედ სწორედ უწყების ახალი ხელმძღვანელის შერჩევაა. დეპუტატის აზრით, შინაგან საქმეთა ახალ მინისტრთან დაკავშირებით გადაწყვეტილება "რაც შეიძლება სწრაფად და გონივრულად" უნდა იყოს მიღებული.

"ეს არ არის ჩემი შესაფასებელი, გადადგა და გადადგა. გასაგებია, მას თავისი მოტივაცია აქვს - ესეც გავიგეთ. მე ვფიქრობ, ახლა ამის შეფასება არ არის იმდენად აქტუალური და მნიშვნელოვანი, რამდენადაც ის, რომ ყველამ ერთად, რაც შეიძლება სწრაფად და გონივრულად მივიღოთ გადაწყვეტილება ახალ შინაგან საქმეთა მინისტრთან დაკავშირებით. გამოწვევები საკმაოდ სერიოზულია, პრობლემა ძალიან ბევრია, ამიტომ მთავარი საფიქრალი და საზრუნავი შემდეგი შს მინისტრი უნდა იყოს. ჭიკაიძემ მიიღო თავისი გადაწყვეტილება და მე მხოლოდ პატივი შემიძლია ვცე მის გადაწყვეტილებას", - აღნიშნა ხიდაშელმა.

რაც შეეხება სააგენტოს შეკითხვას, ხომ არ აქვს შინაგან საქმეთა ახალ მინისტრთან დაკავშირებით მთავრობასთან კონკრეტული რეკომენდაცია, დეპუტატის თქმით, ის არ ეკუთვნის იმ ხალხს, ვინც საკუთარ პარტნიორებს მედიით ელაპარაკება. "ამიტომ ამ საკითხს კოალიციურ რეჟიმში გადავწყვეტთ", - აღნიშნა ხიდაშელმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით