დავით საგანელიძე მიიჩნევს, რომ ვახტანგ გომელაური რეფორმატორი მინისტრი იქნება

შს მინისტრის თანამდებობაზე ვახტანგ გომელაურის დანიშვნით პრემიერ-მინისტრმა ყველაზე კარგი, სწორი და დროული გადაწყვეტილება მიიღო, - ასე ეხმაურება საპარლამენტო უმრავლესობის ლიდერი დავით საგანელიძე შს მინისტრად გომელაურის დანიშვნას.

საგანელიძის შეფასებით, გომელაური რეფორმატორი მინისტრი იქნება.

"ხაზგასმით ვიტყვი, რომ პრემიერ-მინისტრმა ძალიან კარგი და ყველაზე სწორი არჩევანი გააკეთა. დიდი ხანი არ არის, რაც ვახტანგ გომელაურს ვიცნობ, მაგრამ იმ პერიოდის გათვალისწინებით, რაც "ქართულ ოცნებაში" ვარ, შემიძლია ვთქვა, რომ გამორჩეულად წესიერი, პროფესიონალი და ღირსეული ადამიანია. სტრუქტურებში სწორედ ასეთი ადამიანები გვჭირდება. პრემიერ-მინისტრმა ყველაზე კარგი და დროული გადაწყვეტილება მიიღო. ვახტანგ გომელაური ამ თანამდებობაზე საინტერესო რეფორმატორი იქნება და ამ მხრივ, ბევრ საინტერესო თემას ის თავად გაუძღვება", - აცხადებს საგანელიძე.

დეპუტატმა აღნიშნა, რომ გომელაური გახმაურებული მკვლელობის ფონზე დაინიშნა და იური ვაზაგაშვილის საქმის გახსნაში აქტიურად იქნება ჩართული.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს